انجمن فلاح المسلمین، حاجی پوردینی، تعلیمی اور ہمہ جہت فلاحی خدمات کا معتبر مرکز۔ ڈاکٹر ذاکر حسین۔

انجمن فلاح المسلمین، حاجی پور

دینی، تعلیمی اور ہمہ جہت فلاحی خدمات کا معتبر مرکز۔ 

ڈاکٹر ذاکر حسین۔ 8002988177

انجمن فلاح المسلمین، حاجی پور ضلع کا ایک مؤقر، فعال اور عوامی اعتماد کا حامل دینی، تعلیمی اور فلاحی ادارہ ہے، جو برسوں سے خدمتِ خلق اور اصلاحِ معاشرہ کے عظیم مقصد کے تحت سرگرمِ عمل ہے۔  اصلاح ملت کمیٹی حاجی پور ویشالی کے زیر اہتمام ماسٹر قمرالدین محلہ نون گولہ حاجی پور کی رہائشی گاہ پر محمود عالم حاجی پور کی صدارت میں انجمن فلاح المسلمین حا جی پور کی موجودہ کمیٹی کے ذریعے انجمن کے نظم و ضبط میں بے ضابطگی کے تعلق سے ایک نسشت کا اہتمام کیا گیا۔ جس میں شہر کے دانشوران،ملی ہمدرد  اور بنیادی نقطہ فکر کے محققین کی

 جماعت نیز  ماسٹر محمد عظیم الدین انصاری، ڈاکٹر ذاکر حسین جنرل سکریٹری ضلع اردو ٹیچرس ایسوسی ایشن ویشالی،ماسٹر عبد القادر، حافظ فیضان،اوسامہ فاروقی  کے علاوہ کئی سرگرم نوجوان  نے اپنے اپنے خیالات کا اظہار کرتے ہوئے  محمود عالم نے فرمایا کہ یہ انجمن اپنے قیام کے دن سے ہی اسلامی تعلیمات کے فروغ، تعلیم کی ترویج اور سماجی فلاح و بہبود کو اپنا نصب العین بنائے ہوئے ہے۔لیکن شہر کے کچھ مفاد پرست اشخاص انجمن کی مخالفت بھی کرتے ہیں تو ان کا مفاد مخالفت میں پوشیدہ ہوتاہے۔ ماسٹر قمرالدین نے کہا کہ اگر دانشوران کی جماعت انگشت نمائ نہیں کرے تو انجمن کا مقصد موجودہ کمیٹی کے ذریعے پستی میں چلا جائے گا۔ جو مقامی لوگوں کی زمہ داری بنتی ہے۔ ڈاکٹر ذاکر حسین جنرل سکریٹری ضلع اردو ٹیچرس ایسوسی ایشن ویشالی نے قوم کو خطاب کرتے ہوئے فرمایا کہ دینی خدمات کے میدان میں انجمن فلاح المسلمین نے نمایاں کردار ادا کیا ہے۔ مساجد، مکاتب، مدارس، دینی اجتماعات اور اصلاحی مجالس کے ذریعے قرآن و سنت کی تعلیم، اخلاقی اقدار کی آبیاری اور اسلامی تہذیب و ثقافت کے تحفظ کی بھرپور کوشش کی جاتی ہے۔ انجمن کا مقصد صرف عبادات تک محدود نہیں بلکہ ایک صالح، باکردار اور باخبر معاشرے کی تشکیل ہے۔ تعلیمی شعبہ انجمن کی سرگرمیوں کا ایک مضبوط ستون ہے۔ تعلیمی بیداری، طلبہ کی رہنمائی، مستحق اور نادار طلبہ کی مالی امداد، نیز جدید اور دینی تعلیم کے امتزاج کے ذریعے نئی نسل کو علم، شعور اور خود اعتمادی سے آراستہ کرنا انجمن کی ترجیحات میں شامل ہےہے انجمن کے موجودہ کمیٹی ان نقاط پر سنجیدگی سے تخیل وتفکر کرے اور اخلاص کے ساتھ خدمت کی غرض سے اپنی اپنی ذمہ داری کو نبھانے کی زحمت گوارا کرے۔ اس کے ذریعے معاشرے میں جہالت کے اندھیروں کو ختم کرنے کی سنجیدہ کوشش کی جاتی ہے۔ فلاحی خدمات کے میدان میں انجمن فلاح المسلمین نہایت ہمہ گیر کردار ادا کر رہی ہے۔ غریبوں، یتیموں، بیواؤں اور بے سہارا افراد کی مدد، بیماروں کے علاج میں تعاون، قدرتی آفات کے مواقع پر راحت رسانی اور دیگر سماجی خدمات انجمن کے دردِ انسانیت کا عملی ثبوت ہیں۔ لاوارث میت کی تجہیز و تکفین — ایک عظیم انسانی خدمت ہے۔  انجمن فلاح المسلمین کی فلاحی خدمات کا ایک نہایت قابلِ قدر اور قابلِ تحسین پہلو لاوارث میت کی تجہیز و تکفین کا عمل ہے۔ معاشرے میں بعض اوقات ایسے افسوسناک حالات پیش آتے ہیں جب کسی مسلمان کا انتقال ہو جاتا ہے اور اس کا کوئی وارث، عزیز یا مددگار موجود نہیں ہوتا۔ ایسے مواقع پر انجمن فلاح المسلمین انسانیت اور اسلامی ذمہ داری کا مظاہرہ کرتے ہوئے آگے بڑھتی ہے۔ انجمن کی جانب سے لاوارث میت کو اسلامی طریقے کے مطابق غسل دیا جاتا ہے، کفن پہنایا جاتا ہے، نمازِ جنازہ کا اہتمام کیا جاتا ہے اور باعزت طریقے سے تدفین عمل میں لائی جاتی ہے۔ اس پورے عمل میں شرعی اصولوں کی مکمل پابندی کی جاتی ہے اور میت کے احترام و حرمت کا خاص خیال رکھا جاتا ہے۔ یہ خدمت نہ صرف ایک دینی فریضہ ہے بلکہ اعلیٰ انسانی اقدار کی عملی تصویر بھی ہے۔ انجمن کا یہ عمل اس بات کا واضح ثبوت ہے کہ وہ زندگی ہی نہیں بلکہ موت کے بعد بھی انسان کی عزت و تکریم کو مقدم رکھتی ہے، اور سماج کے ہر کمزور، بے سہارا اور نظرانداز شدہ فرد کے ساتھ کھڑی ہے۔ الغرض، انجمن فلاح المسلمین، حاجی پور ایک ایسا ادارہ ہے جو دین، تعلیم اور فلاحِ انسانیت کو یکجا کرکے سماج میں مثبت، پائیدار اور تعمیری تبدیلی لانے کے لیے کوشاں ہے۔ اس کی خدمات نہ صرف ملتِ اسلامیہ کے لیے باعثِ فخر ہیں بلکہ پورے ضلع کے لیے انسانیت، ہمدردی اور سماجی ذمہ داری کی روشن مثال بھی ہیں۔